Google ADS

Kosova me rekord impresiv pas fitores së thellë ndaj Shqipërisë

22:16 | 29 Maj 2018
Arbresh Info

Kosova ka regjistruar një fitore me rezultat të thellë mbrëmjen e sotme (e martë) kundër Shqipërsisë.

Miqësorja vëllazërore e zhvilluar në Zyrich të Zvicrës ndërmjet dy kombëtareve tona përfundoi me një rezultat të papritur prej 3 me 0 në favor të “Dardanëve, shkruan portali arbresh.info.

Arbër Zeneli ishte i jashtëzakonshëm duke shënuar dy golat e para për skuadrën nën udhëheqjen e Bernard Challandes, ndërsa goli i tretë i ndeshjes dhe u fundit u realizua nga Eden Zhegrova.Paraqitja e kombëtares shqiptare nuk ishte në nivel të duhur dhe Etrit Berisha kishte një natë për tu harruar. Sidoqoftë, Kosova me fitoren e sotme kundër Shqipërisë ka regjistruar një rekord impresiv.

Fitorja 3 me 0  e Kosovës është më e thella që kombëtarja jonë ka shënuar ndonjëherë.

Qysh pas ndeshjes kundër Haitit katër vite më parë, Kosova fitoren më të lartë e kishte regjistruar me një avantazh prej dy golave, por miqësorja ndaj Shqipërisë e ndryshon këtë rekord./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm